Plantun de Prouvènço

Pèr coumpara dos planto d'encò nostre

Ranunculus glacialis & Vicia lathyroides

Ranunculus glacialis

Ranunculaceae

Noms en français : Renoncule des glaciers, Caraline.

Descripcioun :
Lou ranouncle-de-glacié trachis dins lis esboudèu e li mourreno. Douno de flour roso o blanco e se destrìo dis àutri ranunculus de mountagno bonodi si péu brun souto li sepalo. Li petalo soubron de tèms après la flourido. La planto èi proutejido sus listo roujo, categourìo LC, es à dire soucit minour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Roso
Petalo : 5
Ø (o loungour) flour : 1 à 2 cm
Flourido : Printèms - Estiéu

Sòu : Si
Autour basso e auto : 2000 à 3300 m
Aparado : Noun
Mai à avoust

Liò : Esboudèu - Mourreno
Estànci : Aupen
Couroulougi : Artico-Aupenco
Ref. sc. : Ranunculus glacialis L., 1753

Vesso(-fausso-jaisso)

Vicia lathyroides

Fabaceae Leguminosae

Noms en français : Vesce fausse gesse, Vesce printanière.

Descripcioun :
Aquelo vesso, primo e basso, a de pichòti flour soulitàri e vióuleto sènso pecou. Vèn bèn dins li relarg sablous. Li fueio, pelouso, d'en bas an 2 parèu de fueioun, e mai pèr li fueio d'en aut (3 à 4 parèu emé uno vediho simplo). Li dóusso soun sènso péu e negro un cop maduro. Ei bessai poussible de s'engana emé Vicia peregrina, mai aquelo a de fueioun mai prim e un pichot pecou que l'estaco à la cambo. Coumpara emé la vesso-di-gròssi-dóusso.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 5 à 25 (40) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Sablo - Roucaio - Champ
Estànci : Termoumediterran à Mountagnard
Couroulougi : Pancaro entresigna
Ref. sc. : Vicia lathyroides L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Ranunculus glacialis & Vicia lathyroides

ges

Coumpara Ranouncle(-de-glacié) emé uno autro planto

Coumpara Vesso(-fausso-jaisso) emé uno autro planto